ليه الناس بتتغير فجأة

 

ليه الناس بتتغير فجأة رغم إنهم كانوا بيبانوا في الأول كويسين؟ 

لأسباب كتير في ناس بتبقى معاك كويسة لإن الروس بتبقى متساوية لكن مش كل الناس هتحب لك الخير فأول ما يبان عليك نعمة هتضايق لأنها هتحس إنك بقيت أحسن منها.

وفي ناس بتعرفك مصلحة وأول ما تخلص مصلحتها معاك هتديك سكة السلامة.

وفي ناس أول ما تجيلها نعمة هتبعد عنك لأنها هتحس إنها بقت أحسن منك وإنك ممكن تحسدها وتبص للي في إيدها وتخطفه منها زي ما كانت هتعمل هي معاك بالضبط 

وفي ناس بتعرفك والحياة بمبي  وأول ما الدنيا تضلم ويتضرب كرسي في الكلوب ترفع شعار الندالة عدالة 

وفي ناس عمرها ما كانت شبهك أنتوا بس ظروفكم كانت متشابهة ولما اختلفت الظروف دي مبقاش في حاجة بتجمع بينكم فبيبقى كل شيء إنكشفن وبان