إزاي تخلي الناس تحبك

 

عايز الناس تحبك وتقدرك وتخليك من أولويتها زي ما بتعمل معاهم؟ الحل بسيط: اعكس الآية، وبدل ما تطلب منهم اعمل أنت ده.

إحنا اللي بنقول للناس يعاملونا إزاي. في كل مرة جيت فيها على نفسك قلت لهم يستهونوا بيك ويجوا عليك.

مينفعش تطلب من حد يخليك أولوية عنده وأنت مش أولوية عند نفسك وبتبدي غيرك عليك.

مينفعش تطلب من حد يكون سندك وأنت مش سند نفسك وبتظلمها.

مينفعش تستنى الناس تحبك وأنت مش بتحب نفسك كفاية أو مش شايفها جديرة بالحب.
المشاعر والتقدير بتمشي من جوا لبرة وأنت مركز الإحساس.

لازم تحترم نفسك عشان الناس تحترمك.
لازم تعزز نفسك عشان الناس تعززك.
لازم تعمل حساب لنفسك عشان الناس تعملك حساب.

•