قرارات العام الجديد
كل سنة بنفضل نندب حظنا على السنة القديمة إنها راحت هدر ونفضل نخطط لقرارات ناخدها في السنة الجديدة في الغالب بتترص جنب أخواتها من اللي من سنة قوموا واقعدوا ما اتحققتش بس أهم قرارات ممكن تاخدها في السنة الجديدة هي إنك تتخلص من الكراكيب الموجودة في حياتك.
الكراكيب دي مش بس أشياء مادية لأ دي كمان أشياء معنوية زي أحد حد أنت لسه متعلق بيه رغم إنه أذاك نفسيًا ولسه متعشم في العلاقة دي أو إنه يحس على دمه أو حتى يعتذر لك أو إن حقك يجيلك لحد عندك وتشوف إنه أخد جزاؤه. سيبك من اللي تاعبك الدنيا مش دارتصفية حسابات سيبك عشان أنت ترتاح متتعلقش بحبال دايبة.
اتخلص من ذكرياتك القديمة اللي بتوجعك، اتخلص من أي حاجة بتفكرك بيها سواء أشخاص أو أماكن أو حاجات، متبقاش زي الشبح اللي لا طايل دنيا ولا آخرة.
تعليقات
إرسال تعليق