منى وأحمد

 

أحمد حلمي في صاحبة السعادة بيحكي عن جوازه بمنى زكي واصفًا نفسه بإنه فلاح من بنها وهي بنت ناس وإن باباها طلب منه شقة في نفس مستواهم وإزاي كافح عشان يجيب الشبكة والشقة. قصة الحب دي كان ممكن تجهض وتنتهي قبل ما تبدأ ويقعد يحكي عنها في البرنامج بنشوة الانتصار لو كانت اتنازلت ووافقت بأي حاجة كان شوية وهيصطدم بمشاكل وعقبات كان المفروض يتغلب عليها الأول عشان يفوز ويدوق طعم النصر. الإنسان ما بيحسش بقيمة الحاجة السهلة. أكبر انتصار هو الانتصار المنتزع من مرارة شديدة ومقاومة وشقاء يخلي صاحبه يحس بالكبرياء وبقيمة الجائزة اللي فاز بيها ويقدرها ويحافظ عليها؛ أما اللي بيجي بالساهل فبيروح بالساهل؛ لكن اللي بناخده بعد تعب بنحافظ عليه لإننا شايفينه يستاهل لإننا بنحافظ على كياننا وكفاحنا المتجسد فيه.