التحفيز السلبي

في بلدنا ما بيمدحوش حد ولا يشكروا فيه لحسن يشوف نفسه لازم نكسر نفسه أول بأول عشان ميشوفش نفسه علينا لازم دايمًا نقلل من الإنجاز وننتقد ونطلع القطط الفاطسة ونبخس الناس أشياءهم حتى لما نعوز نشجع حد نشجعه تشجيع سلبي بإننا نكسر مقاديفه ونحبطه ونقول له مش هتقدر قال عشان يتنحرر ويشد حيله أنا طول عمري الطريقة دي بكرهها وبكره صاحبها الغبي وبشطبه من حياتي طظ فيك وفي رأيك الفاشل أنت مين أنت أصلاً عشان أثبتلك أو أثبت لغيرك أي حاجة أنا هعمل الصح اللي أنا مقتنعة بيه وأوصل للمكانة اللي استحقها وتليق بيا عشان نفسي مش عشان أي حد وطبعًا ده بياخدنا لمشكلة قياس البني آدم وتقييمه وتقديره على حسب إنجازاته مع إن الإنسان مكرم لمجرد كونه إنسان.