إزاي تحافظ على سلامتك النفسية الفيسبوكية في عشر خطوات

1) اعمل unlike لصفحات الهري السياسي.
2) اعمل unfollow/unfriend لكل ما هو ضار ومؤذي وكئيب.
3) شيل قرايبك من على الفيس بوك إذا اقتضى الأمر وده هيقوي صلة الرحم ما بينكم.
4) قلب في دفاترك القديمة والذكريات اللي بيرميها مارك في حجرك عشان تعرف قد إيه كنت متخلف ومتعش في الدور.
5) فيسبوكك زي أوضتك محتاج يتنفض ويتجاب عليه واطيه ويدخل عليه تعديلات بالحذف والتنقيح.
6) انظر من الجانب الآخر من الشاطئ يعني تابع صفحات على النقيض من اهتماماتك وتوجهاتك عشان يحصلك توازن نفسي وتفهم نفسك وغيرك بشكل أحسن.
7) تابع صفحات غرائبية هلامية عايشة في كوكب تاني ترفع شعار خراب يا دنيا عمار يا دماغي.
8) اعمل unlike لصفحات أخبار الحوادث بتاعة خطف الأطفال وتجارة الأعضاء وغلاء المعيشة والمرار الطافح.
9) بطل تعلق على الفاضية والمليانة.
10) لا تدخل في جدل بيزنطي عقيم.